«Taraz» fýtboldan el birinshiliginde «Aqsýdan» basym tústi
NUR-SULTAN. QazAqparat - Búgin fýtboldan premer-lıga komandalary arasyndaǵy Qazaqstan birinshiliginiń jetinshi týry máresine jetti, dep habarlaıdy QazAqparat tilshisi.
Atalǵan týrdaǵy sońǵy oıynda «Taraz» syrt alańda Pavlodar oblysynyń «Aqsý» komandasyn 2:1 esebimen tize búktirdi. Oıyn barysynda tarazdyq klýbtan Jorje Dos Santos 9-mınýtta esep ashsa, alań ıelerinen Aslanbek Kákimov 55-mınýtta tarazy basyn teńestirdi. Jeńis golyn 93-mınýtta tarazdyq Baýyrjan Baıtana soqty.
Eske salsaq, óz alańynda almatylyq «Qaırat» Túrkistannyń «Turan», Qaraǵandynyń «Shahteri» Oraldyń «Aqjaıyǵyna» 0:1 esebimen jol berdi.
Óz alańynda Shymkenttiń «Ordabasy» klýby Petropavldyń «Qyzyljaryn» 2:1, «Aqtóbe» Túrkistan oblysynyń «Maqtaralyn» 1:0 esebimen jeńdi.
Eske salsaq, 22 sáýirde elordalyq «Astana» Aqtaýdyń «Kaspııinen» 4:0 esebimen basym tússe, qostanaılyq «Tobyl» syrt alańda «Atyraýdan» 1:2 eesbimen jeńildi.
Endi segizinshi týr oıyndary 26 jáne 27 sáýir kúnderi ótkiziledi.
