«Taraz» fýtbol klýbynyń múshesi B. Islamhanǵa sheteldikter qyzyǵýshylyq tanytyp otyr
ASTANA. 27 qańtar. QazAqparat - «Taraz» fýtbol klýbynyń múshesi Baýyrjan Islamhanǵa «Dostastyq Kýbogi» oıynynan keıin kóz tigýshiler sany az bolmaı tur,
dep jazady «Alaman« sport agenttigi. «Baýyrjanǵa qyzyǵýshylyq tanytyp, óz komandalarynda Islamhandy kórgisi keletinder kóbeıip jatyr», - deıdi atalmysh klýbtyń prezıdenti Talǵat Turlybaıuly. Onyń aıtýynsha, «Dostastyq Kýbogi» ótip jatqan kezde «Rýbın» komandasy da qyzyǵýshylyq tanytqan bolatyn. Reseıdiń «Dınamo» jáne TsSKA klýbtarynyń Baýyrjan Islamhanmen kelisim jasaýǵa daıyn ekendigin málimdegenimen ázirge bizge eshqandaı resmı qaǵazben shyǵa qoıǵan joq. Biraq Ýkraınanyń Donetskilik «Metallýrg» jáne Lvov klýbtary resmı qujattarmen shyǵyp, surap otyr. «Alaıda kelisim berýdiń retin kórip otyrǵanym joq. Áli qarastyratyn bolamyz. Eger Reseı men Ýkraınanyń beldi komandalary surap, Islamhannyń negizgi quramda oınaıtyndyǵyn aıtyp jatsa kelisim jasap qalýymyz múmkin», - deıdi klýb prezıdenti.
