«Taraz» fýtbol klýbynyń bas bapkeri taǵaıyndaldy
TARAZ. QazAqparat - Búgin «Taraz» fýtbol klýbynyń ujymyna jańa bapker tanystyryldy. Fýtbol klýbyn budan bylaı qazaqstandyq jattyqtyrýshy, jambyldyq fýtbol mektebiniń túlegi Vahıd Masýdov jattyqtyratyn bolady, dep habarlaıdy QazAqparat tilshisi.
Esterińizge sala keteıik, 2018 jyldyń maýsym aıynda Taraz quramasynyń bas jattyqtyrýshysy bolyp Nurken Mazbaev taǵaıyndalǵan bolatyn. Jambyl fýtbol mektebiniń túlegi, elimizdiń eki dúrkin chempıony (1996 jáne 2000) jáne «Taraz» sapynda júrip Qazaqstan Kýbogynda úsh márte jeńimpaz atanǵan Nurken Mazbaev buǵan deıin atalmysh fýtbol klýbynyń sport dırektory bolyp jumys atqarǵan edi.
Jambyl fýtbolynyń túlegi, 58 jastaǵy Vahıd Masýdov óziniń sporttyq mansabyn 18 jasynda «Hımık» (Jambyl) fýtbol komandasynda bastaǵan. Qazaqstandyq jáne keńestik fýtbolshy sanalatyn jartylaı qorǵaýshy, KSRO sport sheberi (1986) Qazaqstan quramasynda óz tusynda jasyndaı jarqyldaǵan. Bir kezderi Valıd Masýdovtyń TsSKA Almaty klýbyna jetekshilik etkenin bireý bilse, bireýi bilmeýi múmkin. Al 1999 jáne 2000 jyldary ol Tarazǵa jattyqtyrýshy retinde kelgen bolatyn. Óziniń 20 jastaǵy bapkerlik mansabynda Vahıd Masýdov barlyq qazaqstandyq fýtbol klýbtaryn basqardy. Jaqynda ol Fýtbol federatsııasynyń Tehnıkalyq ortalyǵynda jumys istep, onda jas jattyqtyrýshylarmen tájirıbe bólisti.
«Taraz» fýtbol klýbynyń resmı saıtynda habarlanǵandaı, Vahıd Masýd ataqty qazaqstandyq fýtbolshy. Ol «Hımık» (Jambyl), «Qaırat» (Almaty), «Melıorator» (Qyzylorda), «Terek» (Groznyı), «Aqtóbelik» (Aqtóbe) jáne taǵy basqa komandalar úshin ter tógip, jartylaı qorǵaýshy retinde oınaǵan. «Taraz», «Aqtóbe-Lento», «Vostok», «Qaırat», «Atyraý» klýbtarynda jetekshilik etken. Qazaqstan ulttyq jáne jastar quramasynyń bas bapkeri bolǵan onyń «Pro» jattyqtyrýshylyq sanaty bar.
Bas bapker óziniń taǵaıyndalǵany týraly jańalyqty qalaı qabyldaǵanyn da aıtyp bergen. Vahıd Masýdovtyń bul usynysty erekshe qabyldaýynyń ózindik máni bar. Taraz óziniń týǵan qalasy bolǵandyqtan, bas bapker klýb qurylymymen tolyq tanys.
«Taraz» FK-nyń baspasóz qyzmetinen habarlanǵandaı, fýtbol klýbynyń jaqynda Shymkenttegi alǵashqy jattyǵý jıyndary bastalady.
«Meniń oıymsha, oıynshylar Premer-Lıganyń buzyp kirip, keremet jumys jasady. Bul úlken áleýetti bildiredi. Men munda dúnıege keldim jáne óstim, fýtbol mansabyn osynda bastadym. Jaǵymdy estelikterimniń bári de Tarazben baılanysty. Sol sebepti Premer-Lıgada klýbqa kómektesý úshin bar kúshimdi salamyn», - dep sendirdi Vahıd Masýdov.
Avtory: Galına Skrıpnık
