«Taraz» fýtbol klýbynyń bas bapkeri qyzmetinen ketti
TARAZ. QazAqparat – «Taraz» fýtbol klýbynyń bas bapkeri Vahıd Masýdov klýbtan ketetinin málim etti, dep habarlaıdy QazAqparat klýbtyń baspasóz qyzmetine silteme jasap.
Eske sala keteıik, tanymal qazaqstandyq bapker, jambyldyq fýtbol mektebiniń tárbıelenýshisi 59 jastaǵy Vahıd Masýdov sporttaǵy mansabyn 18 jasynda «Hımık» komandasynda (Jambyl) bastaǵan edi. 1999-2000 jyldary bapker retinde «Taraz» klýbyna kelgen. 20 jyldyq bapkerlik mansabynda Qazaqstannyń kóptegen fýtbol klýbtaryn jattyqtyrǵan.
«Taraz» FK resmı saıtynda habarlanǵandaı, «Taraz» fýtbol klýbynyń bazasynda komanda jınalysy ótip, Vahıd Masýdov óz sheshimin jarııa etken.
«Men úshin bul ońaı sheshim bolǵan joq. Úlken jumys atqardyq, týrnırlik kestede joǵary turýymyz múmkin edi. Alaıda ádildik únemi serik bolǵan joq. Komandanyń bolashaǵy zor dep oılaımyn. Premer-lıgıda turaqtap qalýǵa múmkindik bar, jaraqat alǵan oıynshylar qaıta qalpyna kelýde, birinshiliktiń kóshbasshylarymen match ótkizdik. Jigitterge birge atqarǵan jumys úshin alǵys aıtamyn. Sizderge sáttilik pen jańa jeńister syılaımyn. Sizderdiń barlyǵyńyz úshin árdaıym ashyqpyn», - dedi V. Masýdov.Klýb basshysy Qanat Musataev Vahıd Masýdovqa klýbtyń atynan rızashylyǵyn bildirip, tálimgerine aldaǵy sporttyq mansabynda sáttilik tiledi. Bas bapkerdiń mindetin oryndaýshy retinde Nurmat Mırzabaevty tanystyrdy. Ol buǵan deıin bas bapkerdiń kómekshisi bolǵan.
