«TARAZ» fýtbol klýbynda 610 mıllıon teńge maqsatsyz jumsalǵan
Bul týraly oblystyq máslıhattyń ekonomıka, bıýdjet, salyq jáne jergilikti ózin-ózi basqarý máseleleri jónindegi turaqty komıssııasynyń kezekti otyrysynda belgili boldy. Tekserý komıssııasynyń múshesi Asylhan Shaımerdenovtiń aıtýynsha, Jambyl oblysyndaǵy sport salasyndaǵy qyryqtan astam mekeme-kásiporynǵa aýdıt tekserisi júrgizilgen. Onyń ishinde 36 mekemeniń jumysy qanaǵattanarlyq dep tanylyp, 5 mekemede qarjynyń jumsalýynda olqylyqtar anyqtalǵan. Onyń ishinde «Taraz» fýtbol klýbynda 610 mıllıon teńge, «Taraz-Arena» mekemesi boıynsha 15 mıllıon teńge maqsatty jumsalmaǵany anyqtalǵan.
Bul máselege baılanysty oblystyq dene shynyqtyrý jáne sport basqarmasy basshysynyń orynbasary Nurjan Joldasbaev mekeme basshylarynyń jaýapkershiligi basqarma alqasynda qaralǵanyn aıtty.
Aıta keteıik, buǵan deıin Mektepke jumysqa ornalastyramyn: Alaıaq muǵalimdi 700 myń teńgege aldaǵanyn jazǵan bolatynbyz. Taraz qalasynyń turǵyny bıyl qańtar aıynda tanys áıel ony mektepke muǵalim bolyp jumysqa ornalastyrýǵa ýáde berip, óziniń «qyzmeti» úshin 700 myń teńge alǵan.
