«Taraz» fýtbol klýby narazylyq retinde el chempıonatyna qatyspaýǵa daıyn

«Taraz» FK-dan habarlaǵandaı, Qazaqstan Respýblıkasy chempıonatynyń «Tobyl» - «Taraz» arasyndaǵy oıyndy qaıta ótkizý qazaqstandyq fýtboldyń bedeline keri áserin tıgizýi múmkin. Jambyl oblysynyń bılik oryndary narazylyq retinde komandany el chempıonatyna qatysýdan alyp tastaýǵa daıyn.

«Biz ony jasaıtynymyz naqty. Mende aıtar sóz joq. Men Fýtbol federatsııasynyń óz sheshimimen bizdi emes, búkil el jurtshylyǵynyń kóńilin qaldyrdy dep oılaımyn. Eger federatsııanyń bul túsiniksiz sheshimi óz kúshinde qalsa, biz qaıta oınaýǵa qatyspaı ǵana qoımaı, maýsymdyq oıyndarǵa da qatyspaımyz», - dep málimdedi Jambyl oblysy ákiminiń orynbasary, oblystyq fýtbol federatsııasynyń prezıdenti Ǵanı Sádibekov.

Onyń aıtýynsha, komandany el chempıonatyna qatystyrmaý sheshimi aıaq astynan qabyldanǵan joq.

«Biz ólshengen sheshimdi qabyldadyq. Komandamen, jankúıerlermen, Jambyl oblysynyń ǵana emes, Qazaqstannyń mamandarymen keńestik. Barlyǵy shyndyqtyń bizdiń jaǵymyzda ekenin aıtýda. Eger federatsııa ózin sybaılastyqtan tazartqysy kelse, bul rette klýbtar zardap shekpeýi kerek. «Tarazda» qalypty básekege qabiletti komandany qurý boıynsha qyrýar jumys jasaldy, jáne onyń barlyǵyn aldyn ala pishilgen tóreshilik arqyly qalamnyń ushymen joqqa shyǵarý qorlaý bolyp tabylady. Biz basqa sheshimdi kórip turǵan joqpyz», - deıdi ol.