Taraz emhanasyna zamanaýı kompıýter tomografııasy ornatyldy
TARAZ. QazAqparat – Taraz qalalyq №2 emhanasynda kontrasty júrgizý múmkindigi bar «Uct 528-80 kompıýterlik tomograf» 80 kesindi jańa apparaty ornatyldy,- dep habarlaıdy QazAqparat tilshisi.
Uct528-80 kesimdi jańa kompıýterlik tomografy – naryqtaǵy eń zamanaýı jáne kóp kesimdi, dál dıagnoz qoıý úshin dıagnostıkalaý múmkindigi bar jáne radıatsııanyń tómen dozasymen joǵary sapaly sýretterdi tez alýǵa múmkindik beretin apparat.
Onda naýqastyń maksımaldy salmaǵynyń shegi 205 kg deıin bolǵandyqtan úlken naýqastardy da qabyldaýǵa bolady.
«Zamanaýı kompıýterlk tomografy zertteýdiń joǵary jyldamdyǵyn qamtamasyz ete otyryp, dıagnostıka úshin ortasha eseppen ne bári 2 mınýt ýaqytty alady. Joǵary ónimdiligi men zertteý jyldamdyǵyn, ásirese tótenshe jaǵdaılarda, sýretterdi sapaly túrde vızýalızatsııalaý jáne derekterdi muraǵattaýǵa múmkindik beredi» delingen oblystyq densaýlyq saqtaý basqarmasy baspasóz qyzmetiniń málimetinshe.
Qurylǵy emhananyń 1-qabatyndaǵy jeke kireberisi bar yńǵaıly jerde ornatylǵan.
Pandemııa jaǵdaıynda Covid-19 aýrýynyń aldyn alýdyń barlyq aspektisi qarastyrylǵan.
Jabdyqtyń bilikti mamandary men jańa zamanaýı baǵdarlamalyq jasaqtamasy patsıentterdiń úlken aǵymymen jyldam, ári tıimdi jumys isteýge múmkindik beredi.
Munda Taraz qalasy men Jambyl oblysynyń túkpir-túkpirinen kelgen naýqastar da tekseristen óte alady.
