Taraz Dúnıejúzilik qolónershiler qalalarynyń tizimine endi
«Taraz – qolónershiler qalasy» taqyrybynda uıymdastyrylǵan aýqymdy sharaǵa alys-jaqyn shetelderden jáne elimizdiń ár aýmaǵynan qolónershiler men qurmetti qonaqtar qatysýda.
Jambyl oblysynyń ákimi Nurjan Nurjigitov Mádenıet jáne sport mınıstriniń Týrızm ındýstrııasy komıtetiniń tóraǵasy Dastan Ryspekov, Azııa-Tynyq muhıty aımaǵy qolónershileriniń dúnıejúzilik keńesiniń vıtse-prezıdenti Azız Mýrtazaev, Qazaqstan qolónershiler odaǵynyń prezıdenti Aıjan Bekqulova, «Asyl Dızaın» sán úıiniń «Aspara» brendiniń bas dızaıneri Aıdarhan Qalıev, «Sheber shańyraq» múgedekter QB tóraǵasy Anar Beksultanova jáne Reseı, Ózbekstan, Tatarstan, Tájikstan, Qyrǵyz Respýblıkalarynan kelgen birqatar qonaqtar kezdesti.
Kezdesý barysynda taraptar Taraz qalasyn Dúnıejúzilik qolónershiler qalalarynyń tizimine enýine qatysty oramdy oılaryn ortaǵa salyp, pikir almasty.
Oblys ákimi óz sózinde 2000 jyldan astam tarıhy bar Tarazdyń ótkeni ónegege, taǵylymǵa baı ekenin, búginde qundylyqtardy jańǵyrtý jolynda aýqymdy jumystar josparlanyp, qolǵa alynyp jatqandyǵyn jetkizdi. Aımaq basshysy Tarazdyń Dúnıejúzilik qolónershiler qalasy statýsyna laıyq ekenin jáne ony oń baǵalap, sheshim shyǵarǵan sarapshylarǵa úlken alǵysyn bildirdi.
Óz kezeginde qonaqtar da jyly shyraımen qarsy alǵan jambyldyqtarǵa rızashylyǵyn jetkizip, aımaqtyń mádenı, rýhanı baǵytyndaǵy jumystaryn oń baǵalady.
Oblystyń qolónershilik jáne týrıstik áleýeti joǵary ekenin atap ótken Azız Mýrtazaev Dúnıejúzilik qolónershiler qalalarynyń tizimi 2014 jyldan beri qurylǵanyn, búgingi tańda bul tizimge dúnıejúziniń 59 qalasy engendiginin atap ótti.
Sondaı-aq, ol Taraz qalasy atalǵan tizimge engen Qazaqstandaǵy alǵashqy qala ekendigin jetkizdi.
«Tarıhymyzdy tanytý arqyly týrızmdi damytý boıynsha aýqymdy sharalar josparlanýda. Bul baǵytta jumys isteımiz degen kásipkerlerge barlyq qoldaýlar kórsetiledi», - dedi Nurjan Nurjigitov.
Aıta keteıik, búgingi tańda oblysta 3435 tarıhı-mádenı eskertkishter bar. Olardyń 5-ýi – halyqaralyq ıÝNESKO-nyń Búkilálemdik mádenı mura tizbesine alynǵan, 25-i – respýblıkalyq dárejedegi, 698-i jergilikti mańyzdaǵy eskertkishter.
Qolónershiler qalalarynyń Dúnıejúzilik tizimi 2014 jyldan bastap qalyptasyp, Samarqan, Buhara, Hıýa, Qoqan sııaqty álemniń elýden astam qalasy engizilgen. Qasıetti Taraz osy tizimge engiziletin elimizdegi alǵashqy qalalardyń biri.