Taraz dıagnostıkalyq ortalyǵynyń kúzetshisi lıft shahtasyna qulap ketti
TARAZ. QazAqparat - Taraz dıagnostıkalyq medıtsınalyq ortalyǵynda oqys oqıǵa oryn aldy, dep habarlady Jambyl oblysy TJD baspasóz qyzmetine silteme jasap «QazAqparat» HAA tilshisi.
«31 mamyrda «103» dısptcherlik qyzmetine konsýltatıvtik-dıagnostıkalyq medıtsınalyq ortalyǵynyń 4-qabatty ǵımaratynda 60 jastaǵy kúzetshi júk tasıtyn lıfttiń shahtasyna qulap ketkeni jaıly habarlama tústi, - dedi vedomstvo baspasóz qyzmetinen. - Bul rette lıft birinshi qabatta bolǵan, al ol úshinshi qabattan qulaǵan».
Qazir kúzetshi aýrýhanada, oǵan qajetti medıtsınalyq kómek kórsetilýde, dep naqtylady TJD baspasóz qyzmetinen.
