Taraz bazarynan órt shyǵyp, 4 adam qutqaryldy

TARAZ. QazAqparat – Taraz qalasynda bazar aýmaǵynda ornalasqan ǵımarattyń shatyry órtenip jatyr, dep habarlaıdy QazAqparat Tótenshe jaǵdaılar mınıstrliginiń resmı ókili Rýslan Imanqulovqa silteme jasap.

«Búgin, 20 qańtarda saǵat 13.22-de Jambyl oblystyq Tótenshe jaǵdaılar departamentiniń Órtke qarsy bólimshelerine «Aqsaı» bazaryndaǵy jeke turǵan eki qabatty ǵımarattyń shatyry janyp jatqany týraly habarlama kelip tústi.
‍Jambyl oblysy qutqarýshylarynyń kúshimen ǵımarattyń birinshi qabatynan 4 adam qutqaryldy (zardap shekkenderdiń jaǵdaıy anyqtalyp jatyr).
Aldyn ala aqparat boıynsha, órttiń aýdany shamamen 1500 sharshy metrdi quraıdy. Ǵımaratta kıim-keshek, oıynshyqtar men halyq tutynatyn taýarlar satylatyn dúńgirshekter, ekinshi qabatta mata men perde býtıkteri ornalasqan», - delingen málimette.
Órt ornynda Jambyl oblystyq TJD-niń 50-den astam órt sóndirýshisi men 16 tehnıkasy jumys istep jatyr.