Taraz «Áýlıe ata» halyqaralyq áýejaıy álemdegi eń iri ushaqtardyń birin qabyldady (FOTO)
TARAZ. QazAqparat - «Áýlıe ata» halyqaralyq áýejaıynyń jańǵyrtylǵan ushý-qoný jolaǵy qalpyna keltirý jumystarynan keıin zamanaýı ushaqtar men tikushaqtardyń barlyq túrlerin qabyldaýǵa qaýqarly.
«Áýlıe ata» halyqaralyq áýejaıy» AQ baspasóz qyzmetinen habarlaǵandaı, qazir Taraz áýejaıyna Chendýdan (Qytaı) ushyp kelgen bortynda 392 tonna júgi bar eń iri ushaqtardyń biri - An 124-100 qondy.
Qalpyna keltirý jumystarynan keıin «Áýlıe ata» halyqaralyq áýejaıynyń ushý-qoný jolaǵynyń uzyndyǵy - 3,5 km, eni - 60 metr. Bul zamanaýı ushaqtardyń barlyǵyn qondyrýǵa múmkindik beredi.
Aýmaǵy 5,5 myń sharshy metr jańa jolaýshylar termınaly bir saǵatta 200 jolaýshyǵa qyzmet kórsete alady.
Qazir «Áýlıe ata» áýejaıy Astana jáne Almatyǵa ushatyn baǵyttarǵa qyzmet kórsetedi.
«Áýlıe ata» halyqaralyq áýejaıy úshin qazir Tarazdan álemniń kez-kelgen qalasyna tikeleı ushaq ushyrýǵa jáne qabyldap alýǵa esh kedergi joq.
