Taraz ákimi áıelderdi 8 naýryz merekesimen quttyqtady
TARAZ. QazAqparat - Taraz qalasynyń ákimdiginde búgin áıelderdi 8 naýryz - Halyqaralyq áıelder kúnimen quttyqtady, dep habarlaıdy QazAqparat tilshisi.
Merekelik sharaǵa eńbek ardagerleri, oqytýshylar, dárigerler, kásipkerler, áskerı qyzmetshiler, jýrnalıster shaqyryldy.
«Sizderdi eń ásem, naǵyz kóktemniń merekesi - 8 naýryzben quttyqtaımyn!» - dedi Taraz qalasynyń ákimi Rústem Dáýlet. 
Ol áıelderdiń qalanyń qarqyndy damýyna, qoǵamdyq ómirdiń barsha salasyna súbeli úlesin qosyp kele jatqanyn tilge tıek etti.
Merekede «Ońtústik» óńirlik qolbasshylyǵy áskerı qyzmetshileriniń ansambli, sondaı-aq óńirdiń tanymal ánshisi Vladımır Sorokın áıelderge arnap án shyrqady.
Qazaqstan Respýblıkasy bilim berý isiniń úzdigi, osy salaǵa jarty ǵasyrlyq ǵumyryn arnaǵan, tarazdyqtar ardaqtaıtyn Lıýbov Ivanovna Nakarıakova kórsetilip otyrǵan qamqorlyq úshin alǵys bildirdi.
Kezdesý sońynda Taraz qalasynyń ákimi Rústem Dáýlet qonaqtarǵa gúlder men syılyqtardy tartý etti.
