Taraz ákimdigine qarasty mekeme 6 qyzmetkerge zańsyz jalaqy tólep kelgen
Jambyl oblysy boıynsha Іshki memlekettik aýdıt departamenti 2021 jyldyń sáýir aıynda QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamentinen túsken aryzyna sáıkes, «Taraz qalasy ákimdiginiń turǵyn jaı-kommýnaldyq sharýashylyq, jolaýshy kóligi jáne avtomobıl joldary bóliminiń «Jambyl-Sý» sharýashylyq júrgizý quqyǵyndyǵy memlekettik kommýnaldyq kásipornynda jalaqyny esepteý men tóleýdiń zańdylyǵyna jospardan tys tekserý júrgizdi. Nátıjesinde 2020 jyldyń tamyzynan bastap 2021 jyldyń aqpanyna deıingi aralyqta jumysqa zańsyz qabyldanǵan jáne óz qyzmettik mindetterin oryndamaǵan kásiporynnyń 6 jumysshysyna kólemi 6 718,9 myń teńgege jalaqy zańsyz eseptelip, tólengeni anyqtaldy.
Olar úshin aı saıyn jalaqyny personaldy basqarý bóliminiń mamandary, býhgalteri jáne kásiporynnyń bas ekonomısi alyp kelgen», - delingen aqparatta.
Málim etilgendeı, tekserý barysynda zańsyz alynǵan qarajatty, ıaǵnı 1 582,0 myń teńgeni býhgalter kásiporynnyń kirisine qaıtarǵan.
«Júrgizilgen aýdıt materıaldary Sybaılas jemqorlyqqa qarsy is-qımyl agenttiginiń Jambyl oblysy boıynsha departamentine jiberildi.
2021 jylǵy 29 sáýir aıynda atalǵan departament tarapynan qylmystyq is qozǵaldy», - dedi Jambyl oblysy boıynsha Іshki memlekettik aýdıt departamentiniń basshysy A.Dúısenbaev.