Taraptar eńbek daýyn janjalǵa jetkizbeı, ýaǵdalasýdy úırenýge mindetti - prokýratýra

AQTAÝ. QazAqparat – Mańǵystaý oblysynda eńbek daýlarynyń aldyn alýǵa jáne azaıtýǵa baǵyttalǵan «Eńbek janjaldarynyń beıbit sheshimi» jobasy iske qosyldy, dep habarlaıdy QazAqparat oblystyq prokýratýra saıtyna silteme jasap.

Prokýratýra, oblys ákimdigi, «QazMunaıGaz» AQ jáne oblystyq kásipodaq ortalyǵy arasynda yntymaqtastyq jáne ózara is-qımyl týraly Memorandýmǵa qol qoıyldy.

Memorandýmnyń negizgi maqsaty – ýákiletti memlekettik organdardyń ózara is-qımylyn nyǵaıtý, jumys berýshiler men jumyskerlerdiń quqyqtyq saýattylyǵyn arttyrý jáne kommýnıkatsııalaryn damytý, eńbek daýlaryn sheshýde kásipodaqtardyń rólin kúsheıtý.

«Jumyskerlerdiń múddesinde ýaqtyly árekettený eńbek ujymdaryndaǵy qolaıly ahýaldy nyǵaıtýǵa múmkindik beredi, al múddeli taraptardyń tıisti ózara is-qımyly adamdardyń problemalaryn sheshýdiń jedeldigin qamtamasyz etedi jáne tıisinshe narazylyq kóńil-kúıin tómendetedi», - dep esepteıdi oblys prokýrory Rýfat Quttyqov.

Memorandým sheńberinde eńbek máseleleri jónindegi komıssııa jumysqa kiristi. Oblystaǵy daýlar men janjaldardyń sebepterin taldaý kezinde basqa óńirlerdiń tájirıbesi de zerdelenedi.

«Memlekettik organdar, kásiporyndar basshylarynyń eńbek ujymdarymen kezdesýleri turaqty bolýy tıis. Taraptar daýdy janjalǵa jetkizbeı, bir-birin tyńdap, ýaǵdalasýdy úırenýge mindetti», - dedi oblys prokýrory.