Tar zamandaǵy qazaqtardyń evreılerge kómegi týraly úzdik áńgime avtory Izraılge barady

ASTANA. QazAqparat - Ótken ǵasyrdyń 30-40 jyldary evreı halqyna kómektesken qazaqtar jaıly eń qyzyq áńgimelerge baıqaý jarııalandy. Jeńimpaz avtor  Qazaqstandaǵy Izraıl Elshiliginiń júldesine ıe bolady, dep habarlaıdy «QazAqparat» HAA tilshisi, elshiliktiń baspasóz qyzmetine silteme jasap.

«Izraıl memleketiniń 70 jyldyǵyna oraı, osy eldiń Qazaqstandaǵy elshisi «Alǵys» jobasyn uıymdastyrady. Biz qazaq halqynyń evreılerge ótken ǵasyrdyń 30-40 jyldary qalaı kómekteskeni týraly oqıǵalar tarıhyn jınaımyz. Taǵdyr tálkegimen kelgen adamdarǵa jergilikti turǵyndardyń kómek qolyn sozyp, qonaqjaılyq kórsetýin evreı halqy eshqashan umytpaq emes»,- dep jazady Izraıl elshiligi ózderiniń Facebook paraqshalaryna.

Oqıǵalar men áńgimelerdi mátin, vıdeo, aýdıo nemese fotoreportaj kúıinde [e-mail] pochtasyna jiberýge bolady (oqıǵanyń shynaıylyǵyn dáleldeý maqsatynda sýretter men qujattar hatpen qosa jiberilýi kerek).

«Qazaqstandaǵy Alǵys kúni, ıaǵnı 1 naýryzda biz eń úzdik áńgime avtorynyń esimin ataımyz. Jeńimpaz Izraılge barady», - dep habarlady elshilikten.