Tar kóılek kıgeni úshin Marokkoda eki áıel sottalyp kete jazdady
ASTANA. QazAqparat - Agadır portty qalasynda dene bitimin aıqyndap turatyn tar kóılek kıip serýendegeni úshin «ádepsizdik tanytty» dep aıyppen ustalǵan eki áıeldi Marokko soty bosatyp jiberdi, dep habarlady olardyń qorǵaýshylary.
Áıtpegende, sol qylyǵy úshin olar Marokka zańy boıynsha eki jylǵa deıin bas bostandyǵynan aıyrylýy múmkin edi. Áıelderdi 16 maýsym kúni bazardaǵy saýdagerler ysqyryp júrgizbeı qoıǵan soń ustap áketken.
Alaıda, kóptegen quqyq qorǵaýshylar qyzdardy qorǵap shyqty, al áleýmettik jelilerinde olardy qoldaıtyn toptar ashylyp, qorǵaý naýqany júrgizildi. Júzdegen marokkalyq advokat qyzdardy sotta qorǵaýǵa daıyn ekenderin jetkizdi.
Áıelderdiń quqyǵy úshin kúresetinder serýendep júrgen áıelderdi qorlaǵandardy da endi jaýapqa tartý kerek dep otyr.
