Taptaýryndy úrdis boıynsha keıde isti qaraý úderisi oryssha qolǵa alynady - Darhan Myńbaı
ASTANA. 22 qyrkúıek. QazAqparat /Rýslan Ǵabbasov/ - Bizdegi taptaýryndy úrdis boıynsha keıde isti qaraý úderisi oryssha qolǵa alynady. Bul týraly búgin Astanada «Sot isin memlekettik tilde júrgizýdiń ózekti máseleleri» taqyrybynda ótken dóńgelek ústelde Qazaqstan Respýblıkasy Prezıdent ákimshiligi Іshki saıasat bóliminiń meńgerýshisi Darhan Myńbaı málim etti.
«Alaıda, bizdegi taptaýryndy úrdis boıynsha keıde isti qaraý úderisi oryssha qolǵa alynyp, tolyqtaı sol tilde júrgiziletini jasyryn emes. Endi osy kórinisti basqasha qaıta jasap birtindep júzege asyratyn mezgil de jetken sekildi. ıAǵnı, isti qaraý múmkindiginshe memlekettik tilde ǵana júrgizilip, al qajet bolǵan jaǵdaıda orys nemes ózge tilde qoldanylǵany durys bolar edi»,-dedi ol.
D. Myńbaıdyń paıymdaýynsha, osyndaı ustanymǵa bekinýge elimizde tolyqtaı negiz ben shartty resýrstar bar. Máselen, sońǵy 2009 jylǵy halyq sanaǵynyń derekterine súıenetin bolsaq, Qazaqstan azamattarynyń 65 paıyzy memlekettik tilde erkin sóılep, oqyp, jaza alady eken.
«Tilderdi damytý men qoldanýdyń 2011-2020 jaldarǵa arnalǵan memlekettik baǵdarlamasy bekidi. Baǵdarlama talaby boıynsha halyqtyń 95 paıyzy memlekettik tildi meńgerýi tıis»,-dedi Іshki saıasat bóliminiń meńgerýshisi.
Onyń sózine qaraǵanda, búginde respýblıka boıynsha jergilikti jáne atqarý organdarynda is júrgizý memlekettik tilge kóshirilip otyr. 2006 jyly memelekettik tildegi qujattardyń úles salmaǵy 32,7 paıyzdy qurasa, 2011 jyldyń birinshi jartyjyldyǵynda nátıje boıynsha 85 paıyz mejeni kórsetip otyr.
