Tapsyrys berýshiler energııalyq turǵyda tıimdi baspananyń qurylysyna qyzyǵýshylyq bildirmeı otyr - Aleksandr Belyı
ASTANA. QazAqparat - Energııa tıimdiligi normatıvteriniń oryndalýyn qadaǵalaıtyn aıqyn túzilgen júıe qajet. Bul týraly búgin Astanada «Qazaqstandaǵy energııalyq turǵyda tıimdi turǵyn úılerdi jobalaýdy jáne salýdy ilgeriletý» halyqaralyq konferentsııasynda energııatıimdilik boıynsha BUUDB/JEQ jáne QR Úkimeti jobalarynyń úılestirýshisi Aleksandr Belyı málim etti.
«Qurylys normalary men erejeleriniń jáne energrııalyq turǵyda tıimdilik boıynsha normalardyń bolýy znergııalyq turǵyda tıimdi ǵımarattardyń salynýyna 100 paıyzdyq kepil bola almaıdy. Normatıvterdiń oryndalýyn qadaǵalaıtyn aıqyn túzilgen júıe qajet, ıaǵnı energııalyq tıimdilik sanatyn kórsete otyryp, qurylysqa beriletin ruqsatnamadan bastap nysandy paıdalanýǵa berýdi qabyldaýǵa deıin tıisti baqylaý bolý kerek», - dedi A. Belyı.
Onyń sózine qaraǵanda, qazirgi kezde tapsyrys berýshi de jáne jobalaýshy da óz betimen energııalyq turǵyda tıimdi turǵyn úılerdiń qurylysyna qyzyǵýshylyq bildirmeıdi. Buǵan kóptegen faktorlar yqpal etýde.
«Osy faktorlar ázirge qurylys salýshylardy nemese nysan ıesin yntalandyrmaı otyr. Alaıda, bizdiń paıymymyzsha, memleket osy úderisti rettemese, onda bul baǵyttaǵy sharalar sozylyp ketýi múmkin», - dedi Aleksandr Belyı.
