Tapsyrmalarymdy oryndaýda absolıýtti oryndaýshylyqty talap etemin - Toqaev
NUR-SULTAN. QazAqparat - Oza shabý, bórkin aspanǵa atý eldiń bolashaǵy úshin aýyr saldardyń qaıtalanýyna ákep soǵady. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.
«Oza shabý, bórkin aspanǵa atý eldiń bolashaǵy úshin aýyr saldardyń qaıtalanýyna ákep soǵady. Qazir, buryn-sońdy bolmaǵan Úkimet ishindegi, sonymen qatar Úkimettiń ákimdiktermen ózara is-qımyly talap etiledi. Men atqarýshy bılikten sheshimderdi ázirleý jáne qabyldaý barysynda baıyptylyqty, tapsyrmalarymdy oryndaý kezinde absolıýtti oryndaýshylyqty talap etemin», - dedi Qasym-Jomart Toqaev.
Sonymen qatar Memleket basshysy Premer-Mınıstr bastaǵan Úkimet músheleri, ákimder qaýyrt jumys istep jatqandyǵyn basa aıtty.
«Jumys qarqynyn tómendetýge, oǵan qosa alǵashqy oń nátıjelerge qanaǵattanýǵa bolmaıdy», - dedi QR Prezıdenti.
