Tapqan tabysynan salyq tólemegen taksısterge 46 myń teńge aıyppul salynady

AQTAÝ. QazAqparat - Mańǵystaý oblysynyń memlekettik kirister departamenti jeke tasymalmen aınalysatyn azamattarǵa memlekettik bıýdjet aldyndaǵy salyq mindettemesin oryndaý kerektigin eske salady, dep habarlaıdy QazAqparat.

Eń aldymen, olar jeke kásipker retinde tirkelýi qajet.

Ol úshin kásipkerlik qyzmetti júrgizetin mekenjaıy boıynsha salyq organyna JK retinde qyzmetiniń bastalǵanyn habarlaıdy.

Belgilengen nysan boıynsha habarlamany ol elektrondy úkimet portaly arqyly nemese mekemege baryp ótkizedi.

Jeke tasymalmen aınalysatyn jeke tulǵalar rejımniń mynadaı túrleri boıynsha tirkele alady:

- patent negizinde arnaıy salyq rejımin (ASR) qoldanatyn JK;

- e-Salyq Business arnaıy mobıldi qosymshasyn paıdalana otyryp ASR qoldanatyn JK;

- ońaılatylǵan deklaratsııa negizinde ASR qoldanatyn JK;

- JK jalpy belgilengen rejımde.

Ákimshilik quqyq buzý týraly kodekstiń 463-babyna sáıkes kásipkerlik qyzmetpen tıisti tirkeýsiz aınalysý jeke tulǵalarǵa 15 AEK mólsherinde, qaıtalap buzǵan kezde – 30 AEK mólsherinde aıyppul salýǵa ákep soǵady.

Sondaı-aq, ákimshilik quqyq buzý jasaǵan zattary men quraldary tárkilenedi.