«Tapanshamen bastan atqan»: Almatyda qarýly qaqtyǵysqa qatysqan kúdiktiler ustaldy

ALMATY. KAZINFORM – Áleýmettik jelide Almatyda bolǵan qarýly qaqtyǵystyń beınejazbasy tarady.

Beınejazbadan bir top adam arasyndaǵy janjal kezinde er adamnyń travmatıkalyq qarý qoldanyp, jerde jatqan ózge azamattyń basyna birneshe ret oq atqanyn kórýge bolady.

Almaty qalasy Polıtsııa departamentiniń málimetine sáıkes, oqıǵa 13 shilde kúni qaladaǵy dámhanalardyń biriniń aldynda bolǵan.

«Kisi óltirýge oqtalý deregi boıynsha qylmystyq is qozǵaldy. Kúdikti «izin sýytpaı» ustalyp, ýaqytsha ustaý ızolıatoryna qamaldy. Travmatıkalyq tapansha tárkilendi. Dámhanalardyń birinde er adamdar arasynda janjal bolǵandyǵy belgili boldy. Іstiń basqa da mán-jaılary anyqtalyp jatyr», - dep habarlaıdy departamentten.

Eske salaıyq, buǵan deıin Almaty taýlarynda baıkerlerdi sabaǵan shopandarǵa sot úkimi shyqqanyn jazǵanbyz.