Tapanshamen oınaǵan úsh jasar bala ózin-ózi atty
ASTANA. QazAqparat - Reseı astanasy Máskeýde úsh jasar bala travmatıkalyq tapanshamen oınap otyryp, abaısyzda ózin basynan atqan. Quqyq qorǵaý organdaryndaǵy derekkózdiń aıtýynsha, búldirshin páterde qaldyrylǵan travmatıkalyq tapanshany taýyp alǵan, dep habarlaıdy jergilikti BAQ.
Qarýmen oınap otyryp, ol ózin-ózi basynan atqan. Sábı balalar aýrýhanasynyń jansaqtaý bólimine jetkizildi.
«Tekserý júrip jatyr. Balanyń ákesiniń travmatıkalyq qarýdy ustaýǵa jáne saqtaýǵa quqynyń bar-joqtyǵy anyqtalady»,-deıdi máskeýlik polıtsııanyń baspasóz qyzmetindegiler.
