Tapanshaǵa uqsas zatpen qorqytqan: Aqtóbede kompıýter klýby tonaldy

AQTÓBE. QazAqparat – Aqtóbede tapanshaǵa uqsas zatpen kassırdi qorqytyp, kompıýter klýbyna qaraqshylyq shabýyl jasaǵan kúdikti ustaldy, dep habarlaıdy QazAqparat tilshisi.

Aqtóbe qalasyndaǵy kompıýterlik klýbtyń birinde jumys isteıtin kassır kómek surap, polıtsııaǵa habarlasqan. Oblystyq Polıtsııa departamenti baspasóz qyzmetiniń málimetinshe, belgisiz bireý klýbqa kelip, tapanshaǵa uqsas zatpen qorqytqan. Kassadan 200 myń teńge aqshany alyp ketken.

«Jedel izdestirý kezinde Aqtóbe qalasynyń 24 jastaǵy turǵyny ustaldy. Qazirgi ýaqytta kúdikti Aqtóbe qalasynyń ýaqytsha ustaý ızolıatoryna qamaldy. Qylmystyq kodekstiń «Qaraqshylyq» baby boıynsha sotqa deıingi tergep-tekserý amaldary júrgizilip jatyr. Osy baptyń sanktsııasynda múlki tárkilenip, 10 jylǵa deıingi merzimge bas bostandyǵynan aıyrý jazasy kózdelgen», - dedi oblystyq PD baspasóz qyzmetinen.