Tapa tal túste qyzdy tonamaq bolǵan er adamnyń áreketi vıdeoǵa túsip qaldy

ASTANA. KAZINFORM – Oqıǵa 12 aqpan kúni Astanada bolǵan. Belgisiz adam kóshede ketip bara jatqan qyzǵa shabýyl jasaǵan. Bul týraly Polisia.kz saıty jazdy. 

Osy oqıǵadan keıin kúdikti birden «izin sýytqan». Shabýyldaýshyǵa birden izdeý salyndy. 

Kelip túsken baǵdar boıynsha Abaı oblysynyń PD qyzmetkerleri jumyldyryldy.

«Kúzet patrýlderi saǵat 06:00 shamasynda Semeı qalasyna kirer joldaǵy «Ertis» baqylaý pýnktinde Toúota avtokóliginiń salonynda jolaýshy retinde otyrǵan kúdiktini baıqaǵan.  Qazirgi ýaqytta kúdikti ustalyp, jaqyn arada elordalyq áriptesterge tapsyrylady» - delingen habarlamada.