Tapa-tal túste er adamnyń 12,5 mln. rýbl salynǵan sómkesin alyp ketken
ASTANA. QazAqparat - Máskeýdiń soltústiginde er adamǵa qaraqshylyq shabýyl jasaldy. 12,5 mln. rýbl qaskúnemderdiń oljasyna aınaldy.
Qalanyń quqyq qorǵaý organdaryndaǵy derekkózdiń aıtýynsha, dúısenbi kúni saǵat 16:30-darda Skakovaıa kóshesinde betperde kıgen úsheý er adamnyń 12,5 mln. rýbl salynǵan sómkesin tartyp alyp, izderin sýytqan.
Qylmyskerler kók tústi sheteldik kólikke mingen. Qazir oqıǵa ornynda tergeý toby jumys isteýde.
