Tanzanııadaǵy Frantsııa elshiligine belgisiz bireý oq jaýdyrdy, 4 adam qaza tapty
NUR-SULTAN. QazAqparat – Tanzanııada belgisiz er adam Frantsııa elshiliginiń kúzetshileri men polıtsııa qyzmetkerlerine oq atty. Sonyń saldarynan tórt adam qaza taýyp, altaýy zardap shekti, dep habarlaıdy QazAqparat France24 telearnasyna silteme jasap.
Polıtsııanyń málimetinshe, shabýyldaýshy birinshi dıplomatııalyq ókildik ornalasqan aýdandaǵy qıylysta eki polıtseıge oq atqan. Keıin qaza tapqan polıtseılerdiń vıntovkasyn alyp, jol boıy oq jaýdyryp Frantsııa elshiligine barǵan.
Tanzanııa prezıdenti Samııa Hasan Sýlýhý Twitter-de polıtsııa qylmyskerdiń kózin joıǵanyn habarlady.
«Men qaza tapqan úsh polıtseı men qaýipsizdik qyzmetiniń bir ofıtseriniń otbasyna qaıǵyra kóńil aıtamyn. Olar Dar-es-Salamdaǵy Salenda aýdanynda qarýly er adamnyń shabýyly kezinde mert boldy», - dep jazdy Tanzanııa prezıdenti.
Qylmyskerdiń nelikten bul áreketke barǵany ázirge belgisiz.
