Tanzanııada jol apatynan 12 sarbaz qaza taýyp, 50-i zardap shekti
ASTANA. QazAqparat - Tanzanııanyń Mbeıa oblysynda Ulttyq qyzmettiń sarbazdary mingen avtobýs jol apatyna ushyrady. Saldarynan 13 adam mert bolyp, 50-i túrli jaraqattar aldy, dep habarlaıdy QazAqparat «MIR 24» telearnasyna silteme jasap.
Zardap shegýshiler aýrýhanalarǵa jetkizildi. Qaza tapqandardyń arasynda 12 áskerı qyzmetshi men avtobýs júrgizýshisi bar. Kólik quralynyń salonynda barlyǵy 63 adam bolǵan.
Apatqa ushyraǵan avtobýs sarbazdardy tasymaldaý úshin jalǵa alynǵan úsh avtobýstyń biri ekendigi belgili boldy. Áskerıler oqý-jattyǵý lagerine bara jatqan.
Aldyn ala boljam boıynsha, oqıǵa jyldamdyq rejiminiń durys saqtalmaýy men júrgizýshiniń abaısyzdyǵynan bolǵan.
