Tanzanııada tyrysqaq aýrýynyń órshýi
ASTANA. QazAqparat - Tanzanııada tyrysqaq aýrýynyń órshýi on myńnan astam adamnyń dertti juqtyrýyna sebep boldy. 50 adam onyń qurbany boldy, delingen Dúnıejúzilik densaýlyq saqtaý uıymynyń resmı aqparatynda. Sonymen qatar DDSU sarapshylary tyrysqaq aýrýynyń búkil álemge taraýy múmkin dep qaýiptenip otyr.
Aǵymdaǵy jyldyń tamyz aıynda kem degende 9871 adam tyrysqaq indetin juqtyrdy. Olardyń 150-i ajal qushty. Muny tanzanııalyq densaýlyq saqtaý júıesiniń ókilderi rastady. El astanasy - Dar-es-Salam ózgelerge qaraǵanda kóp zardap shekti. Onda 4,5 myńnan astam adamnyń aýrýdy juqtyrý faktisi tirkeldi.
Tyrysqaq vırýsy ýlanǵan sý arqyly taraıdy. Vırýs Tanzanııanyń barlyq aýmaǵyna, sonyń ishinde Zanzıbar arhıpelagyndaǵy eki aralǵa tarady. Tyrysqaq indetin baqylaý boıynsha elde birqatar sharalar qabyldandy. Onyń ishinde sýdy hlorlaý da boldy.
Alaıda sarapshylar jaýyn-shashyn maýsymynyń bastalýymen atalǵan derttiń halyqaralyq deńgeıde taraýyna ákelip soqtyrýy múmkin dep alańdap otyr.
