Tanzanııada sońǵy tórt aıda tolassyz jaýǵan jańbyrdan 37 bala qaza tapty
DAR-ES-SALAM. Sınhýa – QazAqparat – Tanzanııanyń toǵyz aımaǵynda qańtar men 28 sáýir aralyǵyndaǵy nóser jańbyrdan kem degende 37 bala qaza tapty.
Bul týraly senbi kúni Tanzanııa polıtsııasynyń ókili Devıd Mısıme málimdedi, dep habarlaıdy QazAqparat qytaıdyń Sınhýa agenttigine silteme jasap.
D. Mısıme óz málimdemesinde ata-analardy jańbyr kezinde balalaryn úıden shyǵarmaýǵa keńes berdi.
Sondaı-aq, ol sáıkes organdardy sý saqtaıtyn oryndarǵa, qudyqtarǵa belgi qoıýǵa shaqyrdy.
Tanzanııa meteorologııalyq qyzmeti eldiń túrli óńirlerindegi tolassyz jańbyr sý tasqynyna ákelýi múmkin ekenin eskertti.
