Tanzanııada saılaýdan keıingi tártipsizdikter kezinde adamdar mert boldy

ASTANA. KAZINFORM – Tanzanııada sársenbi kúni ótken saılaýdan keıingi úsh kúnde bolǵan tártipsizdikterdiń saldarynan júzdegen adam kóz jumdy, dep habarlaıdy BBC.

Oppozıtsııalyq «Chadema» partııasynyń ókili AFP agenttigine qaýipsizdik kúshterimen teketires barysynda 700-ge jýyq adamnyń óltirilgenin málimdedi. Tanzanııadaǵy dıplomatııalyq ókildik BBC qyzmetine keminde 500 adamnyń óliminiń dáleli bar ekenin jetkizgen.

Qazirgi tańda qurban bolǵandar týraly baǵalaýlar ár jerde árqalaı aıtylyp jatyr, al ınternettiń sóndirilýi málimetterdi tekserýge qıyndyq týdyryp otyr.

Úkimet zorlyq-zombylyqty meılinshe azaıtýǵa tyrysyp jatyr, olar tártipsizdikterdi basý úshin komendanttyq saǵat merzimin uzartty.

Demonstratsııaǵa qatysýshylar arasynda jastar kóp. Saılaý náıjelerine qanaǵattanbaǵan olar Tanzanııa boıynsha barlyq qalalarda narazylyq bildirip jatyr.

Narazylyq bildirýshiler bılik ókilderin demokratııaǵa nuqsan keltirdi dep aıyptap otyr. Onyń sebebi oppozıtsııa kóshbasshylarynyń birin qýdalanyp, túrmede otyrsa, endi bireýin tehnıkalyq sebepterge baılanysty saılaýdan shyǵarǵan. Nátıjesinde bul jaǵdaı is basyndaǵy prezıdenti Samıı Sýlýhý Hasannyń jeńiske degen múmkindigin keńeıtip otyr.

Osyǵan deıin «Chama Cha Mapındýzı» partııasynyń atynan qkildik etip otyrǵan Tanzanııanyń is basyndaǵy prezıdenti Samıı Sýlýhý Hasannyń prezıdent saılaýynda saılaýshylardyń 97,66 paıyz daýsyn jınaǵany málim boldy