Tanzanııada pil Bı-Bı-Sıdiń qyzmetkerin taptap óltirdi
ASTANA. Qazannyń 31-i. QazAqparat - Balalarǵa arnalǵan Serious Explorers tanymdyq baǵdarlamasyn túsirý aıasynda Bı-Bı-Sı telearnasynyń ekspedıtsııasyna jetekshilik etken burynǵy armııa ofıtseri tanzanııalyq pildiń shabýylynan qaza tapty,
dep habarlaıdy «RIA «Novostı» agenttigi.
Qaza tapqan brıtandyq azamat Anton Terner telekompanııamen buǵan deıin de birneshe ret jumys istegen jáne afrıkalyq savannanyń janýarlar álemimen jaqsy tanys bolǵan. Sondyqtan da ol HІH ǵasyrda Afrıkany zerttegen tanymal jıhankez Devıd Lıvıngstonnyń júrip ótken jolyn qaıtalaıtyn televızııalyq ekspedıtsııaǵa jetekshilik etken.
Brıtandyq telekompanııanyń ekspedıtsııamen birge saıahat jasaýshy dárigeri 38 jastaǵy azamatty aman alyp qala almaǵan.
Forın-ofıstegi aty atalmaǵan derekkózdiń habarlaýynsha, baǵdarlamany túsirýge qatysqan úsh bala aman-esen, olar oqıǵa ornynan jedel alyp ketildi. Keńse ókili sondaı-aq, qaza bolǵan Ternerdiń otbasy men jaqyndaryna kóńil aıtty. Bı-Bı-Sı telekompanııasy oqıǵanyń mán-jaıyna qatysty óz tekserýin júrgizýde.
