Tanzanııada nóser jańbyr men laı kóshkini 47 adamnyń ómirin qıdy
Tanzanııanyń soltústiginde tasqyn men kóshkin 47 adamnyń ólimine ákep soqty. Kazinform bul týraly VVS-ge silteme jasap habarlaıdy.
Hanang taýynyń eteginde 47 adam qaza taýyp, 80 turǵyn jaraqat aldy.
El prezıdenti Samııa Hasan qutqarý jumysyna ulttyq qaýipsizdik kúsh-quraldaryn jiberdi.
Jaısyz aýa raıynan úı men ınfraqurylym da zardap shekti.
Tanzanııada sý tasqyny eń qaýipti tabıǵat apaty sanalady. Jyl saıyn odan on myńdaǵan adam zardap shegedi.
Ótken aıda Tanzanııa astanasy Dar-Es-Salam men basqa da qalalarda jaýyn-shashyn kóp túsip, adamdar qaza taýyp, ǵımarattar qıraǵan bolatyn.
Eldiń keı bóliginde egistik alqaptaryn sý shaıyp ketip, turǵyndarǵa aıtarlyqtaı shyǵyn keldi.
2023 jyly Shyǵys Afrıka El-Nıno klımat qubylysy týdyrǵan sý tasqyny men kóshkinnen qatty zardap shekken bolatyn.
Tanzanııa meteorologııa agenttigi jańbyr osy aıda da toqtamaıtynyn eskertti.