Tanzanııada mektep oqýshylarynyń avtobýsy aýdarylyp qaldy
ASTANA. QazAqparat - Tanzanııada mektep oqýshylaryn tasymaldaıtyn avtobýs apatqa ushyrap, 35 adam mert boldy. Bul týraly Reuters agenttigi jergilikti polıtsııaǵa silteme jasap habarlaıdy.
«32 mektep oqýshysy men olardyń 2 ustazy jáne avtobýstyń júrgizýshisi kólik jardan qulaǵan soń mert boldy. Apat avtobýstyń jaýyn jaýyp turǵanda joǵarydan tómen túsip kele jatqan kezinde oryn alǵan»,-delingen habarlamada.
Qurban bolǵan balalardyń jastary 12-13 aralyǵynda bolǵan. Polıtsııa oqıǵanyń mán-jaıyn anyqtaýǵa kiristi. Olar oqıǵanyń tehnıkalyq aqaýdyń saldarynan nemese júrgizýshiniń kinásinen bolǵandyǵyn anyqtaýda.
Tanzanııa prezıdenti Djon Magýfýlı osy oqıǵaǵa baılanysty málimdeme jasap, ony «ulttyq tragedııa» dep atady.
Osyǵan deıin Tanzanııada avtobýs júk kóligimen soqtyǵysyp, onyń saldarynan 20 bala qurban bolǵan edi.
