Tanzanııada benzovoz jarylyp, 60 adam qaza boldy
MOROGORO. QazAqparat – Tanzanııada benzovoz jarylyp, saldarynan 60 adam mert boldy, taǵy 70-i zardap shekti, dep habarlaıdy QazAqparat The Guardian portalyna silteme jasap.
Basylymnyń jazýynsha, benzovoz Dar-es-Salamnan batysqa qaraı shamamen 125 mıl (200 shaqyrym) jerdegi Morogoro qalasynda aýdarylyp, ishindegi benzın syrtqa tógilgen. Jergilikti turǵyndar janarmaıdy quıyp alyp jatqan ýaqytta kólik jarylǵan.
Áleýmettik jelilerde taraǵan vıdeoda bir top adam tógilgen janar-jaǵarmaıdy kanıstrlerge jınap jatqany kórinedi. Keıbir kýágerlerdiń aıtýynsha, jarylys adamdardyń biri oqıǵa ornynda shylym tutatqan kezde bolǵan.
«Alapat órt boldy. Adamdardy qutqarý múmkin emes edi. 65-70 adam qutqarylǵanyn kórdim. Jalyn jyldam tarady», - dedi Reuters-ke oqıǵaǵa kýá bolǵandardyń biri Danıel Ngogo.
Tanzanııa Prezıdenti Djon Magýfýlı osynsha halyqtyń qaza bolǵanyn estip, eseńgirep qalǵanyn málim etti.
«Úkimettiń resmı ókili Hasan Abbası Twitter-de: «Morogoroda benzovoz jarylyp, adamdardyń qaza bolǵany týraly jańalyqtan qatty kúızeldik», - dep jazdy.
Abbasıdiń sózinshe, el úkimeti qutqarý operatsııasyn úılestirýge jáne kóz jumǵandardyń tulǵasyn taný jumystaryna kómek kórsetip jatyr.
