Tanzanııada avtobýs pen poıyz soqtyǵysyp, 13 adam kóz jumdy

Sársenbi kúni tańerteń Tanzanııanyń ortalyq bóligindegi Sıngıda oblysynda avtobýstyń lokomotıvke soǵylýy saldarynan kem degende 13 adam qaza tapty, taǵy 25-i zardap shekti. Kazinform bul týraly Sınhýa aqparat agenttigine silteme jasap habarlaıdy. 

«Qaza tapqandar sany artýy múmkin, sebebi zardap shekken 25 adamnyń kóbiniń jaǵdaıy óte aýyr», - dep málimdedi aımaqtyń polıtsııa basshysy Stella Mýtahıbırva.

Dar-es-Salamnan Mvanzaǵa jol júrip kele jatqan avtobýstyń ishinde 57 jolaýshy bolǵan.

Avtobýs pen lokomotıv temirjol ótkelinde jergilikti ýaqyt boıynsha saǵat 05:00-de soqtyǵysty.