Tanzanııada 43 adam otyrǵan jolaýshylar ushaǵy kólge qulady
DAR-ES-SALAM. Sınhýa-QazAqparat – Tanzanııada jolaýshylar ushaǵy kólge qulady, onyń bortynda 43 adam bolǵan, dep habarlaıdy QazAqparat «Sınhýa» agenttigine silteme jasap.
Jergilikti polıtsııa taratqan málimetke sáıkes, Tanzanııanyń soltústik-batysyndaǵy Býkoba qalasynyń áýejaıyna qonýǵa baǵyt alǵan ushaq Vıktorııa kóline qulaǵan. Apatqa aýa raıynyń qolaısyzdyǵy sebep bolǵan dep habarlandy.
Jolaýshylar ushaǵy Dar-es-Salam qalasynan ushyp kele jatqan. Jergilikti bılik ókilderi málim etkendeı, bortta bolǵan 43 adamnyń 26-sy qutqarylǵan. Іzdestirý-qutqarý jumystary aıaqtalǵan joq.
Sondaı-aq, Kagera aımaǵynyń bas dárigeri Isesanda Kanıkıdiń aıtýynsha, apattan 3 adam qaıtys bolǵan.
Aıta ketsek, Italııanyń ońtústiginde týrıster mingen tikushaq apatqa ushyrap, 7 adam kóz jumǵan edi. Onyń ekeýi – ushqysh, bireýi – jedel járdem dárigeri jáne qalǵan tórteýi – slovenııalyq saıahatshy.