Tanzanııa paromyndaǵy apat: qurbandar sany 240 adamǵa jetti
ASTANA. 12 qyrkúıek. QazAqparat - Tanzanııanyń shyǵys jaǵalaýynda bolǵan jolaýshylar paromynyń sýǵa batýy saldarynan qutqarý jumystary barysynda 240 adamnyń denesi sý betine shyǵaryldy.
MV Spice Island paromy Zanzıbar aralynan Tanzanııaǵa bet alǵan bolatyn. Kemede qansha jolaýshy bolǵany belgisiz. Kýágerlerdiń aıtýynsha, keme birneshe júz adamnyń artyq tıelýi saldarynan sýǵa batyp ketken. Buǵan deıin 600-ge tarta jolaýshy qutqarylǵany habarlandy.
Aldyn ala málimetter boıynsha, aldymen kemedegi elektr jaryǵy óship qalǵan. Qutqarý jumystaryn júrgizýge sýdyń tereńdigi jáne aǵystyń kúshtiligi qıyndyq keltirýde. Olarǵa Ońtústik Afrıka Respýlıkasynyń súńgýir-qutqarýshylary kómekke keldi. Tanzanııadan 2005 jyly bólinip shyqqan Zanzıbar ókimeti apat qurbandaryna baılanysty úsh kúndik aza tutý jarııalady.
