Tanysynyń telefonyn surap alyp, basqaǵa satyp jibergen elordalyq ustaldy

NUR-SULTAN. QazAqparat – Nur-Sultan qalasynyń krımınaldyq polıtsııa qyzmetkerleri tanysynyń uıaly telefonyn bógde adamdarǵa satyp jibergen kúdiktini ustady, dep habarlaıdy QazAqparat tilshisi.

Polıtsııa departamentiniń málimetine súıensek, 28 jastaǵy kúdikti buryn oqıǵa bolǵan Jeltoqsan kóshesinde vahter bolyp jumys istegen.

«Tekserý barysynda vahter bolyp jumys isteıteıtin jigit oqıǵa ornyna kelip, tanys qyzmetkerden qońyraý shalý úshin uıaly telefonyn bere turýdy suraıdy. Tanysynyń beıqamdyǵyn paıdalanyp, qýattaýǵa qoıylǵan telefondy julyp qashqan», - dep jazady departamenttiń baspasóz qyzmeti.

Kúdikti ońaı kelgen «oljany» kóshedegi adamdardyń birine satyp jibergen. Atalǵan fakti boıynsha qylmystyq is qozǵalyp, ustalǵan azamattyń osyǵan uqsas basqa qylmystarǵa qatysy bar-joǵy tekserilip jatyr.