Tanysynyń betine sirke qyshqylyn shashyp jibergen aqmolalyq áıel ustaldy
KÓKShETAÝ. QazAqparat - Otyrys kezinde sózge kelip qalǵan Aqmola oblysynyń turǵyny tanysynyń betine sirke qyshqylyn shashyp jiberdi, dep habarlaıdy QazAqparat tilshisi.
Aqmola oblystyq polıtsııa departamenti baspasóz qyzmetiniń málimetinshe, naýryzdyń 14-de Stepnogor qalalyq polıtsııa basqarmasynyń kezekshi bólimine qalalyq aýrýhananyń qabyldaý bólimine 49 jastaǵy jergilikti turǵynnyń «kózdiń sirke qyshqylymen hımııalyq kúıigi» dıagnozymen jetkizilgendigi týraly habar tústi.
«Shaqyrý boıynsha barǵan polıtsııa qyzmetkerleri zardap shegýshi er adam men onyń tanysynyń birlesip spırttik ishimdik ishkenin, artynsha ekeýara janjal shyǵyp, tanysy er adamnyń betine sirke qyshqylynyń eritindisin shashqanyn anyqtady. Jedel-izdestirý sharalary barysynda kúdikti jaqyn mańdaǵy aýyldardyń birinde turatyn 54 jastaǵy áıel bolyp shyqty. Qaskúnem áıel jasaǵan qylmysyn moıyndady», - dedi vedomstvodan.
Osy oqıǵaǵa baılanysty Qylmystyq kodekstiń 107 babynyń 1 bóligi «densaýlyqqa qasaqana ortasha zııan keltirý» boıynsha sotqa deıingi is qozǵaldy.
Polıtsııa qyzmetkerleriniń aıtýynsha, Aqmola oblysynyń aýmaǵynda «Quqyqtyq tártip» jedel-aldyn alý sharasy ótýde. Bul rette, alkogoldik ishimdikterdi ishý, sondaı-aq, ártúrli profılaktıkalyq esepterde turatyn tulǵalarǵa erekshe nazar aýdarylýda.
«Qazirgi kezde 1500-den astam ákimshilik quqyq buzýshylyqtyń joly kesildi, olardyń 270-ten astamy-spırttik ishimdikter ishý nemese qoǵamdyq oryndarǵa mas kúıinde júrýge qatysty», - dep tolyqtyrdy vedomstvodan.
