Tanysynyń bankomat kartochkasynan aqsha jymqyrǵan azamat sottaldy
TALDYQORǴAN.QazAqparat - Taldyqorǵan qalalyq sotynda tanysynyń bankomat kartochkasyn urlap, odan aqsha jymqyrǵan azamattyń isi qaraldy. Kinəsin tolyqtaı moıyndaǵan kúdikti shartty túrde 3 jylǵa bas bostandyǵynan aıyryldy, dep habarlaıdy QazAqparat tilshisi.
Belgili bolǵandaı, sottalýshy jəbirlenýshiniń kólik júrgizýshisi bolyp qyzmet istegen. Jəbirlenýshiniń aýrýhanada jatqan sətin paıdalanǵan ol aram pıǵylyn júzege asyrǵan. Tanysynyń əmııanynan
bankomat kartochkasyn jymqyryp, jalpy somasy 2 180 000 aqshasyn sheship alǵan. "Sot zalynda aıyptalýshy kinəsin tolyqtaı moıyndady. Mundaı əreketke barǵanyna qatty ókinetinin aıtyp jəbirlenýshige keltirilgen shyǵyn kólemin tolyqtaı ótep berdi"- delingen baspasóz baıanynda. Osyǵan baılanysty kúdikti azamat QR QK 188 babynyń 3 bólimine səıkes kinəli dep tanyldy. Atalǵan qylmysy úshin úsh jylǵa bas bostandyǵynan aıyrý jazasy taǵaıyndalǵan bolatyn. Alaıda qos taraptyń ózara ymyraǵa kelýine baılanysty aıyptalýshy jazasyn shartty túrde óteıtin bolady.
