Tanysynyń atynan nesıe alǵan qyzylordalyq sottaldy
QYZYLORDA. QazAqparat - Qyzylorda oblysy Jalaǵash aýdanynyń turǵyny tanysynyń senimine kirý arqyly alaıaqtyq jasaǵan, dep habarlaıdy QazAqparat tilshisi.
Oqıǵa barysy bylaısha órbidi. Sottalýshy F. jábirlenýshi I-ǵa óziniń bankomattyq kartochkasy buǵattalyp qalǵanyn aıtyp ótinish bildirgen. Ótinishi arqyly tanysynan jalaqysyn aýdaryp alý úshin jeke sáıkestendirý nómiri jáne bankomat kartochkasynyń 16 tsıfrlyq sandaryn alǵan. Osylaısha bótenniń múlkin aldaý jáne senimdi teris paıdalaný jolymen jalǵan áreket jasaǵan. Ony ınternet jelisine engizip, tanysynyń atyna shaǵyn nesıeni rásimdegen. Sonyń saldarynan jábirlenýshige 100 myń teńge múliktik zııan keltirgen.
«Jalaǵash aýdandyq soty sottalýshy F-ny Qazaqstan Respýblıkasy Qylmystyq kodeksiniń 190-babynyń 2-bóliginiń 2-tarmaǵymen kináli dep tanydy. Oǵan 2 jylǵa bas bostandyǵyn shekteý jazasy taǵaıyndaldy. Sol merzimge probatsııalyq baqylaý belgilendi», - delingen Jalaǵash aýdandyq sotynyń habarlamasynda.
