Tanysyna AITV juqtyrǵan aqmolalyq áıel 5 jylǵa sottalýy yqtımal
KÓKShETAÝ. QazAqparat – Tósektesine AITV juqtyrǵan 37 jastaǵy aqmolalyq áıel 5 jylǵa deıin bas bostandyǵynan aıyrylýy múmkin, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, aqpannyń 6-da Tselınograd aýdandyq PB kezekshi bólimine 43 jastaǵy er adamnan aryz túsken.
Onyń aıtýynsha, jarty jyl buryn áıelmen tanysyp, sol ýaqyttan beri onymen tósektes bolyp kelgen.
«Aqpan aıynyń basynda jábirlenýshige qyzdyń AITV bar ekeni belgili bolady. Keıin 37 jastaǵy áıeldiń birneshe jyldan beri AITV-juqpasy retinde esepte turǵany anyqtalady. Er adam osyndaı aýrýmen aýyratynyn bile tura aıtpaı, oǵan juqtyrǵan áıeldiń ústinen polıtsııaǵa aryz berdi» delingen habarlamada.
Polıtsııa qyzmetkerleri áıeldiń boıynda AITV-ınfektsııasynyń baryn bilgenin jáne ózge adamǵa juqtyrǵany úshin qylmystyq jaýapkershilikke tartylatyny týraly eskertilgenin anyqtady.
Polıtsııa áıeldiń ústinen Qylmystyq kodekstiń 118-babynyń 2-bóligi boıynsha qylmystyq is qozǵady.
Atalǵan sanktsııa boıynsha 5 jylǵa deıingi merzimge bas bostandyǵynan aıyrý túrindegi eń joǵary jaza qarastyrylǵan.
