Tanysyn jazalamaq bolǵan pavlodarlyq shatasyp, ózgeniń kóligin súırep áketken
PAVLODAR. QazAqparat – Pavlodardyń 48 jastaǵy turǵyny qaryzy bar tanysyn jazalamaq bolǵan. Biraq kólikterdi shatastyryp, ózgeniń mashınasyn súırep áketken, dep habarlaıdy QazAqparat tilshisi.
«Pavlodar qalasynyń 34 jastaǵy turǵyny polıtsııaǵa habarlasyp, 06:30-08:30 aralyǵynda onyń Kosmonavtar kóshesinde turǵan «VAZ 21043» kóligin urlap ketkenin aıtyp, shaǵymdandy», - dep málim etti Pavlodar oblystyq Polıtsııa departamentiniń baspasóz qyzmetinen.
Fakti boıynsha 48 jastaǵy qala turǵyny ustaldy.
«Kúdiktiniń sózinshe, ol jolda ketip bara jatyp, álgi avtomobıldi kórgen. Ony qaryzyn bermeı júrgen tanysynyń kóligi dep oılap, súırep áketken de, avtoturaqqa aparyp qoıǵan», - dedi polıtseıler.
Qazir QR Qylmystyq kodeksiniń 200-babymen sotqa deıingi tergep-tekserý júrip jatyr.
Anton Gagarın.
