Tanysyn pyshaqtap óltirgen oraldyq 13 jylǵa sottaldy
ORAL. QazAqparat - BQO qylmystyq ister jónindegi mamandandyrylǵan aýdanaralyq soty tanysyn pyshaqtap óltirgen Evgenıı Zemlıakovqa úkim shyǵardy, dep habarlaıdy QazAqparat tilshisi.
Atalmysh sottan túsken məlimetke qaraǵanda, E.Zemlıakov QR QK 99-baby 1-bóligine səıkes aıypty dep tanyldy.
Oǵan 13 jylǵa bas bostandyǵynan aıyrý jazasyn qaýipsizdigi joǵary qylmystyq-atqarý júıesi mekemesinde óteý belgilendi.
Sot talqysynda məlim bolǵanyndaı, E.Zemlıakov 11 maýsym kúni keshten bastap Eýrazııa dańǵyly, 21-mektep mańynda bir top tanysymen araq ishken. 12 maýsymǵa qaraǵan túngi saǵat 01.00 shamasynda bularǵa sol jerden ótip bara jatqan, burynnan tanıtyn A.Eleýov qosylǵan. Shamamen 03.00 saǵatta bəri taraı bastaǵan kezde E.Zemlıakov pen A.Eleýov toptan bólinip, qalyp qoıǵan. Sol mezgilde ekeýi sózge kelgen. Sonyń saldarynan Zemlıakov Eleýovtyń keýde tusyna əldeneshe ret pyshaq jumsaǵan. Marqum oqıǵa ornynda kóz jumǵan.
