Tanysyn óltirgen aqtóbelik jigit 8 jylǵa sottaldy
AQTÓBE. QazAqparat - Aqtóbeniń Embi qalasynda Halyqqa qyzmet kórsetý ortalyǵynyń qyzmetkeri kesh uıymdastyrǵan. Kóńildi keshten soń aqtóbelik mas kúıinde jynys múshesin ustaǵan tanysyn óltirip tastady, dep habarlaıdy QazAqparat tilshisi.
Іs materıalynda súıensek, Aqtóbe oblysy, Embi qalasyndaǵy qylmystyq oqıǵa 2018 jyldyń naýryz aıynda bolǵan. Bir top qyzmetker Halyqqa qyzmet kórsetý ortalyǵynda jumys jasaıtyn áriptesiniń ózge oblysqa ketetinin atap ótip, ishimdik ishedi.
Olar otyrysty ortaq tanysynyń úıinde jalǵastyryp, 30 jastaǵy sottalýshy jábirlenýshini óz úıinde qonýǵa shaqyrady. Túnde jábirlenýshi úı ıesiniń jynystyq múshesin ustaǵan. Uıqydan oıanǵan sottalýshy ashýlanyp, ony toqtaýsyz uryp-soǵyp, súırep úıinen shyǵaryp tastady. Keıin onyń qımylsyz jatqanyn kórip, qaıtadan úıine ákelip, ózi jumysqa ketip qaldy. Biraq kóp uzamaı anasy habarlasyp, tanysynyń qımylsyz jatqanyn aıtyp bergen. Sottalýshy K.Artýr úıine kelip, polıtsııa qyzmetkerin shaqyrdy.
Osy oqıǵa boıynsha is qozǵalyp, sottalýshy óz kinásin moıyndap, keshirim surady.
«K.Artýr Qylmystyq kodekstiń «Densaýlyqqa qasaqana aýyr zııan keltirý» babymen kózdelgen qylmysty jasaǵany úshin kináli dep tanylyp, oǵan 8 jyl 6 aı bas bostandyǵynan aıyrý jazasy taǵaıyndalsyn. Jaza óteý orny qylmystyq-atqarý júıesiniń ortasha qaýipsiz mekemesi dep belgilensin. Jábirlenýshiniń paıdasyna 2 mıllıon teńge moraldyq zalal, memleket paıdasyna 650 myń teńge sot shyǵyny óndirilsin»,- dedi sýdıa A. Mýsına.
