Tanysyn ıntımdik qyzmet kórsetýge májbúrlegen aqmolalyq áıel ustaldy

KÓKShETAÝ. QazAqparat - Aqmola oblysynda 27 jastaǵy qyzdy ıntımdik qyzmet kórsetýge májbúrlegen aqmolalyq áıel ustaldy, dep habarlaıdy QazAqparat tilshisi oblystyq Polıtsııa deparatamentiniń baspasóz qyzmetine silteme jasap.

Vedomstvonyń málimetinshe, Kókshetaý qalalyq krımınaldyq polıtsııa basqarmasynyń qyzmetkerleri oblys ortalyǵynda jezókshelikpen aınalysýǵa májbúrleý oqıǵasyn anyqtady.

«Tártip saqshylary 32 jastaǵy jergilikti turǵyndy ustady, ol 27 jastaǵy qyzdyń materıaldyq jaǵdaıyn paıdalanyp, ıntımdik qyzmet kórsetýge májbúr etken.

Zardap shegýshi SQO týmasy ekeni anyqtaldy. Ol Kókshetaý qalasynda beıtanys qyzben páter jaldap turǵan. Alaıda, aqpan aıynyń sońynda jábirlenýshi páter úshin tólem jasaı almady. Sol sebepti, kúdikti páter aqysyn tóleý úshin ony jezókshelikpen aınalysý májbúrleıdi», - dedi vedomstvodan.

Qazirgi kezde, osyǵan baılanysty Qylmystyq kodekstiń 308-baby «jezókshelikpen aınalysýǵa tartý» boıynsha sotqa deıingi tergeý amaldary júrgizilýde.

«Kýágerlerden túsiniktemesi alynyp, kúdikti qylmysyn moıyndady. Endi kúdikti 3 jylyn kolonııada ótkizý múmkin», - dep tolyqtyrdy vedomstvodan.