Tanysyn bir oqpen jaıratyp salǵan jasóspirim ustaldy – Almaty ІІD
ALMATY. 19 qyrkúıek. QazAqparat /Ádilet Musahaev/ - Tanysyn bir oqpen jaıratyp salǵan jasóspirim ustaldy. Bul aýyr qylmys qyrkúıektiń 12-si kúni Almatynyń Túrkisib aýdanynda oryn alǵan. Basyna tıgen oqtan 21 jastaǵy jergilikti turǵyn kóz jumdy, dep habarlady qalalyq ІІD-niń baspasóz qyzmeti.
«Kýágerlerler bergen túsinik boıynsha eki jas jigit arasynda janjal oryn alǵandyǵy anyqtaldy. Olar fýtbol stadıony alańynda sózge kelise almaı, baılanysyp turǵan. Bir ýaqytta onyń biri tapanshasyn alyp shyǵyp qarsylasyn basynan atyp tastaǵan. Birden uıymdastyrylǵan jedel-tergeý jumystary oq atqan adamdy anyqtaýǵa septigin tıgizdi. Ol esh jerde jumys istemeıtin 23 jastaǵy almatylyq bolyp shyqty», -deıdi Almaty ІІD, krımınaldy polıtsııa basqarmasynyń tulǵaǵa qarsy qylmysty ashý bóliminiń bastyǵy Sabyrjan Jurabekov.
Іzdestirý jumystary barysynda tergeýshiler qylmyskerdi Qaraǵandyda tanystarynyń úıinde jasyrynyp jatqan jerinen ustaǵan. Qazirgi tańda ol bolǵan qylmystyq oqıǵaǵa baılanysty túsinik berýde. Onyń aıtýynsha, jábirlenýshimen ol burynnan tanys bolǵan jáne mundaı jaǵdaıǵa erteden kele jatqan arazdastyqtary ıtermelegen.
