Tanysyn baltamen uryp óltirgen qostanaılyq áıel sottaldy
QOSTANAI. QazAqparat - Tanysyn baltamen uryp óltirgen 33 jastaǵy oblys turǵyny sot aldynda jaýap berdi, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Qaıǵyly oqıǵa Qarasý aýdanynda bolǵan. 33 jastaǵy Elena Jumabaeva óz úıinde tanystarymen birge spırttik ishimdik ishedi. Tún ortasyna qaraı sottalýshynyń bir qonaǵy úıden ketip qalǵan. E.Jumabaeva úıdiń dálizinde uıyqtap jatqan ekinshi tanysyn kóredi. Munan soń olardyń arasynda janjal týyndaǵan. Sálden keıin ol tanysynyń basyna baltamen alty soqqy jumsaıdy. Saldarynan jábirlenýshi oqıǵa ornynda kóz jumdy.
33 jastaǵy áıel QR QK 99-baby boıynsha sot aldynda jaýap berdi. Sot sheshimimen oǵan 8 jylǵa bas bostandyǵynan aıyrý jazasy taǵaıyndaldy. Jazasynyń jeńildeýine kámelettik jasqa tolmaǵan 4 balasynyń bary jáne qylmys jasalǵan ýaqytta mas kúıinde bolǵany sebepke alyndy.
