Tanystaryna jala jappaq bolǵan áıeldiń ústinen qylmystyq is qozǵaldy
ASTANA. QazAqparat - Pavlodar qalasynda 34 jastaǵy áıel buryn janjaldasyp qalǵan tanystarynan ósh almaq nıetpen olardyń ústinen polıtsııaǵa jalǵan aryz túsirgen, dep habarlaıdy «QazAqparat» HAA tilshisi.
Túngi ýaqytta áıel jábirlenýshi retinde qońyraý shalyp, álgi azamattardyń 10 myń teńge aqshasyn tartyp alǵany týraly aryz túsirgen. Oqıǵa ornyna jetken quqyq qorǵaýshylar atalǵan aýmaqty tintip, jábirlenýshi kórsetip bergen úsh kúdiktini ustaǵan.
«Tergeý barysynda eshqandaı qaraqshylyqtyń bolmaǵany anyqtaldy. Jalǵan aryz bergeni úshin qylmystyq jaýapkershilikke tartylatyny eskertilgenimen, 34 jastaǵy áıel polıtsııa qyzmetkerlerine jalǵan aıtqan. Osylaısha, azamatsha erterekte janjaldasyp qalǵan azamattardyń sazaıynyn tarttyrmaq bolǵan», - dep habarlady Pavlodar oblystyq ІІD baspasóz qyzmetinen.
Áıelge qatysty QR QK 419-babyna sáıkes (qylmys týraly jalǵan jetkizý) sotqa deıingi tergeý bastaldy.
