Tanymal jýrnalıster beıneklıp túsirdi

  ASTANA. QazAqparat - QR Baılanys jáne aqparat qyzmetkerleri kúnine oraı, Qazaqstan halqy Assambleıasy jýrnalısterdi kásibı merekesimen quttyqtady, dep habarlaıdy QazAqparat.

Qazaqstan halqy Assambleıasy ázirlegen quttyqtaý beınerolıgi Jýrnalıster klýbynyń otyrysynda aqparat salasynyń mamandaryna tosynsyı retinde kórsetildi. Beınerolıkte Qanat Áýesbaı, Dana Nurjigit, Irına Ten, Talǵat Baıǵojınov, Maıra Tólepbergen, Rýslan Ydyrysov syndy tanymal telejúrgizýshiler Tumanbaı Moldaǵalıev pen Nurǵısa Tilendıevtiń «Týǵan jer» ánin birge oryndaıdy jáne jýrnalıstik ómirdiń qyzyqtary kórsetiledi.

Atap ótken jón, táýelsiz Qazaqstandaǵy jýrnalıstıka kúni alǵashynda 10 mamyr kúni toılandy. Sebebi, 1870 jyldyń 10 mamyrynda qazaq tilindegi alǵashqy basylym - «Túrkistan ýálaıaty gazetiniń» birinshi sany jaryq kórgen edi. 

1997 jyly bul data ózgertilip, jýrnalısterdiń kásibı merekesi BAQ týraly qazaqstandyq alǵashqy zań shyqqan kún 28 maýsymǵa belgilendi. Ol «Baspa jáne ózge de buqaralyq aqparat quraldary týraly» QazKSR Zańy dep ataldy. Sol jyldan bastap tilshiler merekesi maýsymnyń sońǵy jeksenbisinde atap ótilip keldi.  Al 2011 jyldyń qazanynda Qazaqstan Respýblıkasynyń Prezıdenti Nursultan Nazarbaev elimizdegi kásibı jáne basqa da merekeler tiziminiń jańa redaktsııasyn maquldady. Oǵan sáıkes, 28 maýsym Baılanys jáne aqparat quraldary qyzmetkerleri kúni bolyp bekitildi.